Galue e tali atu ai le mativa

Tusia Aruna Lolani ,

58 Hits

Fa’aletoa Felise.

Fa’aletoa Felise.

O lea le finagalo o le tamā i a Fa’aletoa Felise i le Fofoga o Samoa ina ua maua le fa’atalatalano’aga ma le Fofoga o Samoa i le aso ananafi.

“I a te a’u ia o lea le tulaga o lo’o ua i ai nei si o tatou atunu’u ae a le galue la ia o lona uiga o le tali lea  tatou te o’o i ai.

Na ia ta’ua e ao lava i tagata ia aua ne’i tu’u avanoa i le mativa ae amata ona galulue mo le aga’i atu ai le lumana’i.

  “E pei ona va’ava’ai  mai ia o lea le tulaga o lo’o ua tatou i ai nei, o le uiga o la’u tala o le galue lava. “O aso a’o laititi ia o lea lava le tulaga na sa’u ai, ma o le ola galulue fo’i o matua sa i ai, ia o lea lava ua alu ai lava e o’o mai le taimi lenei.

 “Na ia ta’ua e ao lava i tagata ona tau fa’aitiitia le ola faitio ae o gagau le vao.

“Ia o le itu lea e pei ona fa’ailoa atu, a le galue e leiloa po o le a le tulaga e o’o i ai, ae o le ola lava e galulue o le a leai ai lava ma se isi tulaga e ono o’o ai.

“O le uiga o la’u tala e ao lava ina o tatou galulue fa’atasi aua o lea le tulaga mo’i tatou uma ae aua tatou te ola faitio.

“Ae ia o tatou ola e galulue mo le aga’i atu ai le lumana’i.

Na ia fa’aalia o le to’atele o le fanau o lo’o ua i atunu’u mamao uma le taimi lenei.

“Ia o lea la a le tulaga o lo’o ua i ai le taimi lenei, o le naunau lava ia manuia fanau , o lea le tulaga ua va’ava’ai mamao atu ai lava mo nei vaega uma.

 “O le itu mautinoa lava , e ala ona tigaina le tagata o ia lava ae a tatou ola fiafia ma faia mea uma o lona uiga e leai lava se mea e pople vale ai.

© Samoa Observer 2016

Developed by Samoa Observer in Apia