Manaomia se galuega

By Ulimasao Fata 30 November 2017, 12:00AM

I le tatou maitau I lenei vaitau o le soifuaga ua fai lava si taugata ae mo le tina ia Akenese Ieremia, 45 tausaga mai le afioaga o Nuú Fou, e sili atu galuega o loo feagai ma ia i lea aso ma lea aso.

O le tina ia Akenese Ieremia na maua atu e le Fofoga o Samoa i le aso ananafi ua amata ana galuega o le taeao i lona aiga.

Sa ia taua, e fai lava si faigata o le olaga o loo soifua ai i le taimi nei ona e leó iai sana galuega.

“O au e 10 lau fanau, o le isi toalua o loo i Niu Sila. E toafitu tama ma tamaitai e toatolu.”

“O le itu faigata e manaomia taumafa aua si au fanau ae o lea e leai sau galuega e fesoasoani ai ia te au.”

“E naó le toatasi lava si ou atalii o loo fesoasoani tele lea I le tausiga o si o matou aiga ona naó ia lava e faigaluega i se tasi o kamaupani i totonu o le atunuu.”

“O le tele o taimi e aitalafu mai ai se tasi o faleoloa ma e le sili atu ma le $30 tala. A totogi la lou atalii I le faaiuga o le vaiaso ona totogi lea o le matou aitalafu.”

“Ananafi na leai se matou meaai, ona fai lea o le saka faí ma tunu le isalelu aua se meaai a si o matou aiga.”

“O le ala lea e faatagisia ai se fesoasoani mai se samaria agalelei e foai mai mo lo matou aiga.”

By Ulimasao Fata 30 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>