Galue malosi

Tusia Ulimasao Fata ,

23 Hits

Tovió Mapusone,

Tovió Mapusone,

E iai lava le auala e mafai ai ona saili ai le seleni e tausi ai le aiga.

O le tatlitonuga lea o se tasi o alii mai le afioaga o Satapuala, Tovió Mapusone, 39 tausaga le soifua.

O le susuga ia Mapusone na maua atu e le Fofoga o Samoa o loo faatauina a tau popo ma aufaí I le aso ananafi.

“O le galuega o loo ou faia e fai lava si faigata ae peitai ou te leó faavaivai ai ona e tatau ona saili se seleni aua le tausiga o le aiga.”

“Ou te lei faigaluega lava i lou olaga atoa, ae o au lava ia ua gafa lea ma le galueina o le laueleele.”

“O le matou faatoaga o loo fesoasoani tele lea I le tausiga o lo matou aiga. O le isi taimi ua maua mai le seleni ona ua faatau atu fua o faaeleeleaga o lau faatoaga.”

“I le vaitaimi ua lē toe taugofie se oloa i faleoloa laiti poo supamaketi foi. Ua oo lava i le apa eleni ua lē toe taugofie.”

“Ou te faiatu lava au ia, o le tele o oloa i totonu o si o tatou Atunuu ua matuaí agai lava I luga le tau o oloa e oó lava i mea faigaluega o loo manaomia e faaaoga I lau maumaga.”

“O le matou aiga e toalua i laua e faigaluega ia ma aú o loo fesoasoani atu iai e ala lea I lau faatoaga.”

“Ou te talitonu e leai lava se faigata i le sailia o se tupe maua a le aiga pe afai e iai le tagata toatasi e galueina le laueleele.”

© Samoa Observer 2016

Developed by Samoa Observer in Apia