Aioama Ma'ilata: E tumau aiga

By Ilia L Likou 31 October 2017, 12:00AM

O le olaga lenei o le maua lava o le fiafia e faigofie ai mea uma.

O lea le  finagalo fa’aalia o le tinā i a Aioama Ma’ilata i le Fofoga o Samoa i le aso ananafi.

O Aioama e to’atasi lona alo ma o lo’o fesoasoani tele i le tausiga ai o le aiga.

“Ia o le olaga lenei e fa’alagolago lava mea uma i a’i matou o tinā ma e ao lava ina io matou fa’atino o matou tiute i le mafai e o’o i ai.

“O lona finagalo e ao lava ona silasila toto’a i le tulaga e mafai ona o’o i ai, ina ia iloa e o’o le taunu’uga lelei o so’o se taumafaiga aua le tausiga o aiga.

“Ia ua o tatou iloa uma lava le faigata ua i ai nei si o tatou atunu’u ma o se itu e ao lava ona silasila i ai aua le aga’i ai le lumana’i.

“I lo’u ia iloa  i ai o lea lava le tulaga e ao lava ona silasila toto’a i ai.

Na ia fa’ailoa o lona aiga e leai lava nisi.

“Ia po o le tele o le mau fa’afitauli o lo’o soifua lelei ma fa’aaoga tatau le taimi aua lava le fa’atinoina o so’o se galuega.

“E pei o lava le tulaga e ao ona silasila lelei i ai aua lava le aga’i le lumanai.

O lona talitonuga o a fa’afitauli ae a tumau i le Atua o le itu taua tele lea.

“E pei o lea lava le tulaga e tatau ona i ai, ua le toe tutusa nei aso ma o se itu e ao ona silasila lelei i ai, aua o le uiga o la’u tala ia o a fa’afitauli o le taumafai lava.

“Ia o’o mai aso faigata ae o lo’o tumau pea le fa’amoemoe i le Atua, e leai lava se isi tulaga e ao ona silasila i ai.

“Nai lo le taumafai e fa’atino vaega uma aua le sologa lelei o so’o se taumafaiga.

By Ilia L Likou 31 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>